వైద్యం వ్యాధి గ్రస్థo

ప్రభుత్వ, ప్రయివేటు వైద్య కళాశాలల్లో విద్యా ప్రమాణాలను పెం పొందించడానికి ఒక సమగ్ర ప్రణాళిక ఉన్నదా? నాణ్యత, నైపుణ్యం, అనుభవం ఉన్న అధ్యాపకుల కొరత ఉన్నదని మొసలి కన్నీరు కార్చడంవల్ల ప్రయోజనమేమిటి? మెడికల్ కౌన్సిల్ ఆఫ్ ఇండియా నిబంధనలను సంతృప్తి పరచడానికే అన్నట్లు పదవీ విర మణ వయసును పెంచడం ద్వారా కొద్దిమంది అనుభవజ్ఞులైన అధ్యాపకుల సేవలను మరో మూడేళ్ళ పాటు వినియోగించు కోగలరు. అటు తరువాత? నైపుణ్యం, నాణ్యత, అనుభవం ఉన్న అధ్యాపకుల కొరత వల్ల ఆంధ్రప్రదేశ్ రాష్ట్రంలోని వైద్య విద్యా కళాశాలలు సంక్షోభాన్ని ఎదుర్కొంటున్నాయని ప్రభుత్వ ఉత్తర్వు (టూ ఓబ. ఔ0. నితిశ్రీ టజీబివట 31 05?2017) చెప్పకనే చెబుతున్నది. మరి, ప్రభుత్వం ఎంచుకొన్న పరిష్కార మార్గం ఏమిటి? అధ్యాపకుల పదవీ విరమణ వయస్సును 60 నుంచి 63కు పెంచడం ద్వారా ప్రస్తుతానికి ఉపశమనం పొందవచ్చని తలపోసింది. అసలు సమస్యకు ఇది పరిష్కారమేనా?|| వైద్య విద్యా కళాశాలల్లో అసిస్టెంట్ ప్రొఫెసర్లుగా చేరిన అనేక మంది ఒక్క ప్రమోషనకు కూడా నోచుకోకుండా అసిస్టెంట్ ప్రొఫెసర్లుగానే పదవీ విరమణ చేస్తున్న దౌర్భాగ్య పరిస్థితి కొనసాగుతున్నది. మరొక వైపు, అసిస్టెంట్ ప్రొఫెసర్ పోస్టుల్లో ఒకేసారి ఉద్యోగంలో చేరినా, కొన్ని విభాగాల్లో పనిచేస్తున్న అసిస్టెంట్ ప్రొఫెసర్లకు త్వరత్వరగా ప్రమోషన్లు వచ్చి ప్రొఫెసర్లు అయిపోయి, తదను గుణంగా వారికి వేతనాలు పెరుగుతాయి. ఈ తరహా అశాస్త్రీయ మైన, అసంబద్ధమైన, లోపభూయిష్టమైన ప్రమోషన్ల విధానంపై ప్రభుత్వం ఎందుకు సమీక్ష చేసుకోదు?.. ఆయా విభాగాల్లో ప్రొఫెసర్ పోస్టులు ఖాళీ అయితే ప్రభుత్వం దయతలచినప్పుడు అసోసియేట్ ప్రొఫెసర్లుగా పనిచేస్తున్న వారికి ప్రమోషన్లు వస్తాయి. అసోసియేట్ ప్రొఫెసర్లకు ప్రమోషన్ల భాగ్యం కలిగినప్పుడు ఏర్పడే పోస్టులకు ఆ మేరకు అసిస్టెంట్ ప్రొఫెసర్లకు ప్రమోషన్లు ఇచ్చే అసంబద్దమైన విధానాన్ని కొనసాగిస్తున్నారు. దశాబ్దాల సర్వీసు, అర్హతలు ఉన్నా ప్రమోషన్లకు నోచుకోని అసిస్టెంట్, అసోసియేట్ ప్రొఫెసర్లలో నిరాశ, నిస్పృహలు పాదుకుపోయి ఉన్నాయన్న సంగతిని ప్రభుత్వం చూడ నిరాకరిస్తున్నది. దాని ప్రభావం వారి పని విధానంపై పడుతుందనడంలో సందేహం లేదు. అధ్యాపకులుగా పనిచేస్తున్న వారు నిరంతర విద్యార్థులుగా, పరిశోధకులుగా నూతన విజ్ఞానాన్ని సముపార్జించుకొంటూ, నాణ్యమైన విద్యా బోధన, బోధనలో నైపుణ్యాన్ని నిరంతరాయంగా పెంపొందించుకొన్నప్పుడే విద్యా ప్రమాణాలు కూడా వృద్ది చెందుతాయి. అప్పుడే కళాశాలల నుంచి నాణ్యమైన పట్టభద్రులు సమాజాభివృద్ధికి అందుబాటులోకి వస్తారు. ఈ ప్రక్రియ సక్రమంగా అమలు కాకపోతే సమాజానికి నష్టం వాటిల్లుతుంది. వైద్య కళాశాలల్లో పనిచేస్తున్న అధ్యాపకుల్లో ఈ దృక్పథం, పని సంస్కృతి బాగా కొరవడి ఉన్నదన్న ఆందోళన సర్వత్రా నెలకొని ఉన్నది. వైద్య విద్యా రంగంలో ప్రమాణాల అభివృద్ధికి కృషి చేయాల్సిన యన్.టి.ఆర్. వైద్య విజ్ఞాన విశ్వవిద్యాలయం పనితనం అత్యంత నాసిరకంగా ఉన్నా పట్టించుకొనే వారే కరవైనారు. అది పేరుకే విశ్వవిద్యాలయం. పతనమౌతున్న వైద్య విద్యా సాదారణ ప్రమాణాల పట్ల సమాజం ఆందోళన చెందుతున్నా విశ్వవిద్యాలయానికి మాత్రం ఈ విషయంలో చీమ కుట్టినట్లు కూడా లేదనిపిస్తోంది. విద్యార్థుల్లో పరిశోధనల పట్ల ఆసక్తి పెంపొందించాలని కానీ, ప్రోత్సహించాలని కానీ విశ్వవిద్యాలయం ఆలోచించిన పాపాన పోయినట్లు కనబడదు. పై పెచ్చు నిరుత్సాహపరిచే వాతావరణం ఉన్నది. పీహెచ్ డీ చేయాలన్న ఆసక్తి ఉన్న విద్యార్థులకు ప్రవేశాలు కల్పించి, గైడ్ చేసే గైడ్స్ లేని దుస్థితి పట్ల దృష్టి సారించాలనే ఆసక్తి విశ్వవిద్యాల యానికి గానీ, డైరెక్టర్ ఆఫ్ మెడికల్ ఎడ్యుకేషన్‌కు గానీ, ప్రభు త్వానికి గానీ ఉన్న దాఖలాలు లేవు. ఘనమైన దశాబ్దాల చరిత్ర ఉన్న ఆంధ్ర వైద్య కళాశాల, గుంటూరు వైద్య కళాశాల, కర్నూలు వైద్య కళాశాల లాంటివి రాష్ట్రంలో ఉన్నా, ఒక్క కళాశాల కూడా దేశంలో పేరుగాంచిన వైద్య కళాశాలల సరసన నిలబడగలిగే స్థితికి ఎదగకలేక పోవడానికి ప్రభుత్వ లోపభూయిష్టమైన విధానాలు కారణం కాదా! లోతుగా ఆలోచించుకోవాలి. ప్రభుత్వ, ప్రయివేటు వైద్య కళాశాలల్లో విద్యా ప్రమాణాలను పెంపొందిం చడానికి ఒక సమగ్ర ప్రణాళిక ఉన్నదా? నాణ్యత, నైపుణ్యం, అనుభవం ఉన్న అధ్యాపకుల కొరత ఉన్నదని మొసలి కన్నీరు కార్చడం వల్ల ప్రయోజనమేమిటి? నిబంధనలను సంతృప్తి పరచడానికే అన్నట్లు పదవీ విరమణ వయస్సును పెంచడం ద్వారా కొద్ది మంది అనుభవజ్ఞులైన అధ్యాపకుల సేవలను మరో మూడేళ్ళ పాటు వినియోగించుకోగలరు. అటు తరువాత పదవీ విరమణ వయస్సును పెంచడంతో ప్రమోషన్లకు నోచుకోని అధ్యాపకుల్లో నెలకొన్న తీవ్ర అసంతృప్తిని ప్రభుత్వం పట్టించుకోదా? యూజీసీ తరహా వేతనాలను మాత్రం ఇస్తారు. యూజీసీ అమలుచేస్తున్న ప్రమోషన్ల (టైం బౌండ్) విధానాన్ని మాత్రం అమలు చేయరు. అలాగే, వైద్య కళాశాలల్లో అధ్యాపకుల కొరత సమస్య నుండి బయటపడడానికి వైద్య, ఆరోగ్య శాఖ పరిధిలోని ప్రాథమిక వైద్య కేంద్రాలు, ఏరియా, జిల్లా ఆసుపత్రుల్లో పనిచేస్తున్న ఛత్రపతి శివాజీ.